ဥက္ကာကိုကို(သံတွဲ)အကြောင်းတစေ့တစောင်း (နေမုန်းရေးသည်)

ရခိုင်သား မွန်သွေးနည်းနည်းစပ်တယ်။ သံတွဲရဲ့ အထင်ကရ ဖြစ်ခဲ့ဖူးတယ်။ အရက်ဆိုင်မန်နေဂျာကို ငါးတန်းလောက်ကတည်းက လုပ်ခဲ့တယ်။ ရွှေထီးဆောင်းတဲ့ အရက်ဆိုင် မန်နေဂျာ ဘဝ ငါးတန်းကျောင်းသားဘဝလောက်ကတည်းက စာရင်းလိမ်တတ်တယ်လို့ သူကိုယ်သူပြောတယ်။ အဖေက ရုက္ခဗေဒ နောက်ဆုံးနှစ်ထိ ကျောင်းတက်ခဲ့တယ်တဲ့ ။ အမျိုးကိုစစ်ရင် ဆွေကြီးမျိုးကြီးလို့ပြောလို့ရတဲ့ အထဲကပဲ။ ဒါပေမဲ့ သူအမေနဲ့ ညားတော့ အိမ်က သဘောမတူလို့ ဆွေခန်းမျိုးခန်း ဖြတ်ခံရတယ်ထင်ပါ့။ သူတို့ အဖေ အမျိုးတွေကောင်းစားတဲ့ အချိန်မှာ ထောက်ပံ့ကူညီခဲ့ပေမဲ့ သူအဖေကအရက်ကြောင့် ခပ်မြန်မြန်ပဲ သူတို့ သားအမိတွေကို နှုတ်ဆက်သွားခဲ့တယ်။

သူ အခြေခံပညာအထက်တန်းကို ငပလီ မှာတက်ခဲ့တယ်။ ကျောင်းကို အသွားအပြန် ဆယ်မိုင်လောက်စက်ဘီးနင်းပြီးကျောင်းတက်ခဲ့တယ်။ သံတွဲမှာနေတဲ့အချိန် ကဗျာကို အရူးအမူး တွယ်ငြိချိန်မှာ စာပေဝိုင်းတွေ လစဉ်ကဗျာစာအုပ်တွေကို အသက် ၁၆-၁၇ လောက်နဲ့ ဦးစီးပြီးလုပ်ခဲ့တယ်။ သူတို့ကဗျာဝိုင်း ရဲ့ကဗျာစာအုပ်လေးတစ်အုပ်ကို မြန်မာ့ဓနမှာဆရာမောင်ကြည်နိုင်က ရေးဖူးတယ်လို့ ပြောတယ်။ ဒီလိုနဲ့ အဖေ ဆုံးပြီးတော့ အဖေဘက်ကအမျိုးတွေက ရှိသမျှအကုန်ပြန်သိမ်းပြီး အိမ်နေရာ တစ်ကွက်ပဲပေးခဲ့တာကိုရောင်းပြီး အမေက သတ္တိကောင်းကောင်းနဲ့ ရန်ကုန်တက်လာတာတဲ့။

ဒါတောင်ဒီကောင်က ရန်ကုန်မလာချင်လို့ သံတွဲ ကြက်ခြေနီရုံးခန်းမှာ ယူနီဆက်ပ် ပရောဂျက်နဲ့ တစ်သောင်းခွဲစား ဘော်လန်တီယာ(volunteer) တစ်နှစ်လောက် ယောင်လည်လည် ဝင်လုပ်နေသတဲ့။ နောက်ဆုံးအမွေရတဲ့ စက်ဘီး တစ်စီးနဲ့ သံတွဲမှာ ယောင်နေရင်းက စိတ်ရူးပေါက်လို့ အမေနောက်ကိုလိုက်လာရင် အခုတော့…. နေ့ချင်းကြီး ရန်ကုန်သား ဖြစ်နေပြီ။ ရန်ကုန်ရောက်တော့ လက်ထဲမှာ တစ်ကျပ်မှ မပါဘဲ တက္ကစီငှားပြီး ရွာမထဲမှာ အမေအိမ်ရှာသတဲ့ ။ အတော်ဝထ္ထုဆန်တယ် ။ အင်းစိန်ရွာမ မှာ လိပ်စာမသိဘဲ အိမ်ရှာနိုင်ပုံထောက်ကတည်းက ဒီကောင် ဇ ကို ခန့်မှန်းမိတယ်။

စကားနည်းတယ်။ ပြောသမျှ နားထောင်ခေါင်းငြိမ့် ။ အရက်ကို ဖြေးဖြေးသောက်။ ကဗျာရေးဖို့ ချောင်းနေတတ်တယ်။ လူချစ်လူခင်များတယ်လို့ဆိုရမှာပဲ… ကျနော်တို့ အရက်ဝိုင်းက သူ့ ကို ဦးတည်ပြီးဖြစ်လာတာ။ အရက်ဝိုင်းမှာ အပြောသမားက ဖိုးသီဟ နဲ့ မင်းထက်စံ။ နားထောင်ဝင်ရှင်းတာက ကျနော် ။ အရက်ကို ထည့်သမျှ ကုန်အောင်သောက်တာက သက်ပိုင်ဌေး။ မိန်းမတွေနဲ့ ပါတ်သတ်ရင် ဘာပဲဖြစ်ဖြစ် အော်ကြီးဟစ်ကျယ်ခံစားတာတော့သိပ်မတွေ့ရဘူး ။ သိပ်မတွေ့ရဆို အွန်လိုင်းမှာ သားပြောမယားပြော ပြောလို့ရနေတဲ့သူတွေက နည်းတာမှ မဟုတ်တာ။

အရက်ကို ခုံခုံမင်မင်သောက်ပြီးတော့ ဖိုးသီဟ ခေါ်ရာနောက်ကို လိုက်ပြီး ကဗျာတစ်ပုဒ်ကို နှစ်သောင်းသုံးသောင်းလောက်လည်းပေးဝယ်တက်တယ်။ ကျနော်နဲ့ ခင်မင်ပြီးမကြာခင် ဆေးရုံတက်ရတယ်။ ဆေးရုံရောက်တော့လည်း ခပ်အေးအေးရယ်… သူ့ကိုယ်သူ မသေမှန်းလည်းသိပုံရတယ်။ ဆေးရုံက ဆင်းလာတော့ ဆေးလိပ်ဖြတ်လိုက်တယ် ။ ဘီအီးတော့မသောက်တော့ဘူး ။ သေလိမ့်မယ် မသောက်နဲ့လို့ပြောတဲ့ သူ ကို အရက်နေ့စဉ်သောက်ဖြစ်အောင် မမြူဆွယ်ဘဲ လွှမ်းမိုးနိုင်တဲ့ကောင်။

ကဗျာတွေစာတွေကို သိပ်မဝေဖန်ဘူး ။ဆက်ရေးလို့ ပဲပြောတက်တဲ့ကောင်ရယ်။ သူဆီက ဘာ စာပေသီဝရီရွတ်ဖတ်သံမကြားရဘူး ။ ကဗျာကို ကဗျာလို့ ရေးပြီးတော့ ကဗျာကို နှလုံးသားနဲ့ ခံစားတက်တဲ့ကောင်။ မူးပြီးအွန်လိုင်းများတက်ရင် အပြင်မှာဆဲသံမကြားဖူးသလောက် ကိုယ်ပိုင်ပစ္စည်းကို ကာစတန်မက်ဆေ့တင်ဆဲတာ။ ဂျီတော့တင်မကဘူး မျက်နှာနဲ့တွဲရက် ဖေ့စ်ဘွတ်မှာပါဆဲရဲတဲ့ကောင် ။ လူက ကဗျာဆရာသာပြောတယ် ရုပ်က ရဲရုပ်…ဘယ်သွားသွား ရဲအထင်ခံရတဲ့ကောင်။ ကိုယ့်ရုပ်ကိုလည်း အတော်ဂရုစိုက်တဲ့ ကဗျာဆရာရယ်။ နိုက်ကလပ်က အိမ်သာထဲဝင်သေးပေါက်ပြီးပြန်အထွက် ဆံပင်ပုံစံမပျက်အောင် လုပ်နေတာတွေ့ခဲ့ရ သေးတယ်။ မျက်နှာပြောင်ပုံတော့မပြောနဲ့…. ။

သတင်းထောက်လုပ်တာ သုံးနှစ်ရှိပြီး ပန်းချီစာပေအနုပညာသမားတွေရဲ့ ဘဝတွေကို ကော်လံစားရေးနေတယ်လို့ပြောလို့ရတယ်။ နိုင်ငံရေးသတင်း၊ ဗေဒင်သတင်းတွေလိုက်တယ်၊ ထင်ရှားကျော်ကြားလေး တစ်ပုဒ်နှစ်ပုဒ်ရေးတယ် ။ နိုင်ငံပါကျော်ရော… ဗီစီဒီတစ်ခုထဲမှာ နာမည်အကြာကြီးပါလာလို့ ။ အခုတော့ လက်တော့ပ်ရူးရူးနေတယ်။ တစ်ရုံးလုံးမှာ လက်တော့ပ်မရှိတာ သူတစ်ယောက်တည်းဖြစ်နေလို့တဲ့။ ဒီနှစ်ကုန်ရတဲ့ ဘော့နပ်စ်ကို လက်တော့ပ်ဝယ်မယ်တကဲကဲ လုပ်နေရဲ့။ ကျင်လည်ခဲ့ပုံဖြတ်သန်းခဲ့ပုံတွေကြည့်ရင်တော့ ဒီကဗျာဆရာကနည်းတဲ့ ဇမဟုတ်ဘူး ။ဘဝနေနည်းအနုပညာကို ခင်ဗျားတို့ ကျုပ်တို့ထက် ဆယ်ပြန်လောက်ပိုပြီး ကျွမ်းကျင်တယ်။ အချိန်ကိုက်နေရာကိုက်နဲ့ ဘဝ ကို အံဝင်ခွင်ကျ ဖြတ်သန်းနေတယ်…။ အရက်ကြောင့်မြန်မြန်မသေရင် ကဗျာဆရာကောင်း စာရေးဆရာကောင်းဖြစ်လာမဲ့ကောင်လို့ ထင်တယ်။

နေမုန်း

 

နိုဝင်ဘာဆိုတော့ နေ့တာတိုတယ် အေးငြိမ့်ငြိမ့်မွန်

Written by – ဥက္ကာကိုကို(သံတွဲ)

(၁)

မိုးတွေ အရမ်းသွန်ကျနေတဲ့ ရန်ကုန်မြို့လယ်ညနေခင်းတစ်ခုတုန်းက အေးငြိမ့်ငြိမ့်မွန် ကျနော့်ကို နှုတ်မဆက်ခဲ့ပါ။ ထို့အတူ နွေမိုးဆောင်းဥတုသုံးပါးစလုံး ကျနော့်ကိုနှုတ်ဆက်လိမ့်မည်မဟုတ်ပါ။
ထိုနေ့က ကဗျာဆရာဝိုင်ချို ကဗျာဆုတစ်ခုရသည်။ သမ္မတရုပ်ရှင်ရုံဘေးက သမ္မတအရက်ဆိုင် လေးမှာ ကဗျာဆရာတွေ ကဗျာသိုင်းကွက်နင်းကြသည်။ ကဗျာအရက်တွေသောက်ပြီး ကဗျာ စကားပြောကာ ကဗျာလိုဆဲရေးကြသည်။
အရက်ဝိုင်းထဲ အအေးတစ်လုံးနှင့် လာထိုင်နေသောကျနော့်ကိုလည်း သိပ်ကြည်ကြပုံမရချေ။ ဘာမှတော့မပြောသာကြ။ ကျနော်ကတော့ အဲသည်အချိန်မှာ အေးငြိမ့်ငြိမ့်မွန်ကိုသာ သောက်ချင် နေခဲ့လေသည်။

(၂)

အချိုးအကွေ့များလွန်းတဲ့ လောကဓံကြား
ဓားသွားထက်ထက်နဲ့ ကိုယ့်ရင်ကိုယ်ထိုးစိုက်
ချစ်မိပြီဆိုမှတော့ မိုက်ရဲရတော့မပေါ့
အဲဒီလိုနဲ့ပဲ
စံပယ်ဖူးတွေ
အကြိမ်ကြိမ် ဝေခဲ့တယ်…….

အေးငြိမ့်ငြိမ့်မွန်က စံပယ်ပန်းကိုမကြိုက်ပါ။ စံပယ်ပန်းကိုသာမက မည်သည့်ပန်းရနံ့ကိုမှ မနှစ်ခြိုက်သော မိန်းမထူးဆန်းတစ် ယောက်ပင်။ သို့သော်လည်း ယောက်ျားတန်မဲ့ ပန်းရနံ့ကို ကြိုက်သောကျနော်က သူမ၏ကိုယ်သင်းရနံ့ကိုပင် အမည်မသိသောပန်းရနံ့ အဖြစ် တိတ်တ ဆိတ်ရှိုက်မောမိလေသည်။
ရန်ကုန်ညများ ရှုခင်းပျက်နေတာ ကြာပါပြီ။ အေးငြိမ့်ငြိမ့်မွန်၏ ဆံနွယ်များ ရှုခင်းပျက်ထဲ လွင့် တ၀ဲဝဲဖြစ်နေသည်။ ပွင့်လင်းရဲ တင်းသော လမ်းများအတိုင်း ကျနော်တို့နှစ်ဦးလျှောက်လာစဉ်က သူမ၏ နုထွားထွားလက်တစ်ဖက်ကို ကျနော်အုပ်ချုပ်ခွင့်ရခဲ့သည်။ အဲဒီ ညက အင်းလျားကန် ပေါင် စောစီးစွာပိတ်သွား၏။ လတ်ဆတ်ချင်ပုံရသော လေထုကလည်း ရှုရှိုက်ခွင့်အကန့်အသတ် ဖြင့် တိုက်ခတ်နေ သည်။
ကျနော့်သွေးကြောတွေ ဆူတပွက်ပွက်။ ဘယ်ဖက်ရင်အုံက ပရမ်းပတာ။ အကာလည။ အေးငြိမ့်ငြိမ့်မွန်။ ငါချစ်ရတဲ့ယုန်ဖြူမ။

(၃)

ဖုန်းနံပတ်တစ်လုံးကို အလွတ်ကျက်မှတ်ဖို့ ပျင်းရိခြင်းအတွက် ကျနော်နောင်တမရမိပါ။ လေလှိုင်းတလျှောက်စီးဆင်းလာသော အသံချိုချိုလေးနောက်မှာ လိုင်းပြတ်တောက်မှု တဂျစ် ဂျစ်နှင့် ဧရိယာပြင်ပကိစရပ်များ ရှိနေခဲ့သည်။ 09 550 —- ဟဲလို…ဟဲလို….. လူကြီးမင်း ခေါ်ဆိုသော ဘာညာဘာညာ။ စောက်ရေးကိုမပါဘူး။ ယုန်စုတ်မ။

စိတ်ပျက်စရာကောင်းလိုက်တာ….
ငါတို့ရဲ့ တွေ့ဆုံခြင်းတွေကလည်း
အလွမ်းစစ်စစ်တွေသာဆောင်ကျဉ်း
နီယွန်မီးတွေလင်းနေတဲ့ ပတ်ဝန်းကျင်ထဲ
ငါ့ကိုယ်ငါ ထိုးထိုးသွင်း
အဲဒီညနေခင်းအိပ်မက်တွေထဲ
ငါက စိတ်လိုလက်ရပြိုကျ ……..

သူမ ရေးသားသော ကဗျာတစ်ပိုဒ်ပိုဒ်ကို ဖတ်မိတိုင်း ကျနော့်အိပ်မက်တွေ ဆွံ့အသွားရသည်။ အဲဒီ ဆွံ့အသွားသော ညနေခင်း အိပ်မက်တွေထဲကိုပင် အေးငြိမ့်ငြိမ့်မွန်က စိတ်လိုလက်ရ ပြိုကျလာသည်။

“လမ်းလျှောက်ထွက်ရအောင် ဥက္ကာ´´

“ ငါထမင်းမစားရသေးဘူး ယုန်´´

အမြဲဆာလောင်နေသော ကျနော့်ညနေခင်းတွေက မိန်းမတစ်ယောက်ရဲ့ဖြစ်တည်မှုအပေါ် မလွှမ်း မိုးနိုင်ခဲ့ပါ။ ယုန်သားမီးကင် စားချင်တယ်လို့ စနောက်တိုင်း သူမက သဘောတကျ ရယ်တတ် သည်။ ကျနော့်ကိုတော့ လုံးဝကြောက်ရွံ့ပုံမရ။

နေပြည်တော်ရုံမှာ နိုင်ငံ ခြားဇာတ်ကားတစ်ကား ကြည့်ဖြစ်ကြသော နိုဝင်ဘာနောက်ဆုံးပတ်၏ တနင်္ဂနွေနေ့လည်ခင်းမှာတော့ ကျောလယ်လောက်ဆံပင်ရှည်ကို လေးလက်မခန့်ဖြတ်ပစ်လာ သည့် အေးငြိမ့်ငြိမ့်မွန်က သနပ်ခါးဘဲကြားနှင့် ကပိုကရိုလှပနေခဲ့သည်။
အသက် ၂၅ နှစ်အရွယ်မိန်းမတစ်ယောက်ရဲ့ ရင်ထဲမှာ ဘာတွေရှိသလဲဆိုတာကျနော်မသိပါ။ လှည်းတန်းဦးထွန်းလင်းခြံလမ်း ထဲမှ ကော်ဖီဆိုင်မှာ ကော့တေးတစ်ခွက်သောက်သည့်ညတုန်း က သူမအပြုံးတွေနှင့် ကျနော်မူးသည်။

“နင်လွှတ်တော်အမတ်ဝင်ပြိုင်ရင်တော့ ခွက်ခွက်လန်အောင်ရှုံးမှာပဲ…. ငါ့တစ်ယောက်တည်း ကိုတောင် နင်မစည်း ရုံးနိုင်ဘူး´´

အဲသလိုပြောပြီးအေးငြိမ့်ငြိမ့်မွန်က တခစ်ခစ်ရယ်သည်။ မနေနိုင်သောကျနော်ကလည်း ဓာတ်တိုင် တစ်တိုင်အောက်အရောက် မှာ ပါးဖြူဖြူလေးကို ဖက်နမ်းပစ်လိုက်ရလေသည်။
ကြယ်တွေက ကောင်းကင်မှာ တလက်လက်ဖြင့် ကျဲကျဲတောက်အေးမြနေ၏။ ပြည်လမ်းမပေါ်မှာ ကားတွေက မီးရောင်တ၀င်း ၀င်းဖြင့် အရှိန်ပြင်းစွာမောင်းနှင်နေကြသည်။ လမ်းဘေး ပလက် ဖောင်းပေါ်က ခရေပွင့်များ ကောက်သူမရှိပါ။ ရှက်ဝါးဝါးဖြစ်နေသော အေးငြိမ့်ငြိမ့်မွန်၏ ဆောင်းဦးပေါက်အကြည့်တစ်ချက်မှာ ကျနော့်မေတ္တာတွေ ထုထည်ကြီးမားလာသည်။
စည်ပင်အမှိုက်ကားတစ်စီးက “ဂွလောင်… ဂွလောင်´´ဟုအသံပေးကာ ကျနော်တို့နှစ်ဦးဘေးမှ မခို့တရို့ဖြတ်မောင်းသွား၏။ ကျနော်တို့အိမ်အပြန်ညတွေ တိုတောင်းလွန်းခဲ့သည်။ နိုဝင်ဘာ။

(၄)

သံယောဇဉ်တွေ အထပ်ထပ်နဲ့
ငါ့ရင်ကို ရစ်ပတ်ချည်နှောင်
ကဝေယောင်ဆောင်တဲ့ လိပ်ပြာလေး
ငါ့အချစ်နဲ့ နွေးထွေးပါစေ……

ဆုတောင်းတွေ မပြည့်မြောက်ပါ။ လောကီအာဟာရများက စိတ္တဇဆန်စွာ ခုန်ပေါက်နေသည်။ နိုဝင်ဘာတံခါးကိုဆွဲဖွင့်လိုက် တော့ ဆောင်းဦးပေါက်မြူခိုးများနှင့်အတူ အရက်ခိုးဝေသော အလွမ်းများ လျှံကျလာသည်။ ယုံကြည်မှုချင်း အပြန်အလှန်နားလှည့်ပါးရိုက် လုပ်နေကြသော အွန်လိုင်းကမ္ဘာမှာ ကျနော်တို့ရှိနေပါသည်။

“နင့်ကိုငါ ချစ်တယ်လို့မပြောမိတာ ခွင့်လွှတ်ပါယုန်´´

“ မချစ်ပါနဲ့ဟာ…. အနှောင့်အဖွဲ့တွေ မထားချင်စမ်းပါနဲ့… ဒီတိုင်းလေးနေနေတာ ဘယ်လောက်လွတ်လပ်သလဲ´´
မျက်စိရှေ့မှ ကွန်ပျုတာကို ဆယ်ပေါင်တူဖြင့်ရိုက်ထုပစ်ချင်စိတ်တွေကို ကိုယ့်တရားကိုယ်မှတ်ကာ ဖြေသိမ့်ထားလိုက်သည်။ ကွန်ပျုတာကီးဘုတ်ပေါ်မှ ကကြီးခခွေး…အေဘီစီဒီ စသော ခလုတ် များက ကျနော့်ကိုလှောင်ရယ်နေကြ၏။

“နင်တို့ယောက်ျားလေးတွေက ဒီလိုနေရတာ အီနေရတာကို ကြိုက်တယ်မလား ´´

တောက်…။ ငါ့မေတ္တာကို ဖုန်းမတ်ဆေ့ခ်ျတစ်ခုလောက်တောင် အရေးမထားတဲ့မိန်းမ။ ဆောင်းရာသီမပီသသော ဆောင်းလယ် ညလေပူတွေက အုံကြွနေသော ကျနော့်နှလုံးသားကို ချွေးမသိပ်ပေးနိုင်ခဲ့ပါ။ မိန်းမတစ်ယောက်ရဲ့စိတ်ကို ဘယ်လိုမှနားမလည်နိုင် လောက်သော အကြောင်းခြင်းရာများက ကျနော့်ခံစားမှုအား တစ်ချက်တစ်ချက်တွင် ရေခဲမှတ်အောက် ရောက်ရှိစေခဲ့သည်။

(၅)

“နင့်လက်ကို ငါကိုင်ထားချင်တယ် ယုန်´´

“ရပါတယ်…. ငါက ဒါလောက်တော့ရိုးနေပါပြီ´´

“နင့်ကိုငါ ချစ်တယ်ယုန်´´

“နင့်ကောင်မလေးကိုပဲ နင်ချစ်စမ်းပါဟာ´´

“နင့်ကိုတွေ့ချင်တယ်ယုန်… ငါအရမ်းသတိရနေတယ်´´

“တော်စမ်းပါ… ငါအလုပ်မအားဘူးဥက္ကာ…. ပြီးတော့……..´´

“ ——- — — -  —– –´´

ဖန်ကြိုးမျှင်ဆက်သွယ်မှု အွန်လိုင်းပေါ်မှာ အေးငြိမ့်ငြိမ့်မွန် ကျနော့်ကိုထားရစ်ခဲ့သည်။ ယဉ်ကျေးမှုတစ်ခုစာ ဝေးကွာမှုတွေက ကျနော့်ကို မျက်နှာသာမပေးခဲ့ပါ။ လွမ်းသည်။
ပုံမကျပန်းမကျတည်ဆောက်ထားသည့် လွမ်းဆွတ်ခြင်းပြတင်းပေါက်ထဲမှာ ဖုန်းနံပတ်ကိုးလုံး ရှိသည်။ ဂျီမေးလ်အကောင့် တစ်ခုရှိသည်။ အေးငြိမ့်ငြိမ့်မွန်နှင့်တွေ့လျှင်ပေးရန် ကဗျာတစ်ပုဒ် ရေးဖြစ်သည်ဟု မက်သောအိပ်မက်များ ကျနော့်လွယ်အိတ်လေးထဲ အပြည့်ရှိသည်။ ပရမ်းပတာ ဖြစ်နေသော သစ္စာတရားသက်သက်ဖြင့် သူမ၏ဆံနွယ်များကို ကျနော်လွမ်းနေပါသည်။
ဆီကုန်ရေခမ်းအလွမ်းများဖြင့် ခြေကုန်လက်ပမ်းကျနေသော ကျနော့်ရဲ့အိမ်မပြန်ညများစွာမှာ အဘယ်ဓမ္မတေးတွေမှ နာပျော် ဖွယ်ရာမဖြစ်ခဲ့။ ရုပ်ရှင်လက်မှတ်နှစ်စောင်၊ တာရာမင်းဝေ ၀တ္တုတစ်အုပ်၊ ရင်ဘတ်ဟောင်းလောင်းတစ်ခု၊ ရေးလက်စကဗျာတစ်ပုဒ်နှစ်ပုဒ် ခန့်ဖြင့် ကျနော် ဒရွတ်တိုက် ရွေ့လျားနေခဲ့သည်။

မဖြစ်ထွန်းမအောင်မြင်သေးတဲ့ ကဗျာရိုင်းတွေကြားက
မည်းညို့သော တိမ်စိုင်တိမ်ထုများ
နားဝင်ခါးသီးသော စန္ဒရားကြွက်လျှောက်ဂီတများ
တနင်္ဂနွေသားဖြင့် ထုဆစ်ထားသော သချို င်္င်းမှတ်တိုင်များ
တစ်နေ့မှာ ငါသွားရမယ် ချစ်သူရယ်……

ရန်ကုန်ညများ ရှုခင်းပျက်နေဆဲဖြစ်ပါသည်။ ပြည်လမ်းမကြီးပေါ်က ပိုင်ရှင်မဲ့ဆောင်းဥတုကို ကျနော်ကောက်ယူမွေးစားထား သည်။ ဆောင်းခိုကဗျာဆရာတစ်ယောက် အသိုက်ပျောက်ခြင်း ဇာတ်ဝင်ခန်းက ကြည့်ပျော်ရှုပျော်ရှိမည်မဟုတ်ပါ။ ရင်နာဖွယ်ရာ မှိုချိုး မျှစ်ချိုးလမ်းသွယ်တွေက ရိုးသားမှုကို အသံမဲ့စေပါသလား။ သူမ ထားရစ်ခဲ့သော ညနေခင်းများ ခါးသီးလေစွ။ အေးငြိမ့်ငြိမ့်မွန်။ ငါချစ်ရ သော ယုန်ဖြူမ။ လားရာသုဂတိ ကောင်းစေသား……..။

(၆)

သံယောဇဉ်ဖြတ် တေးတွေညည်းဆို
ငါ့ရင်ကို ခြေစုံကန်တဲ့မိန်းကလေး
ငါ့နွေးထွေးမှုနဲ့ ဝေးရာမြေမှာ
လင်းလင်းပပ ပျော်ပါစေကွယ်….

ငါကတော့ အလွမ်းတွေကို ထွန်ယက်ပျိုးစိုက်
ညကြီးမိုးချုပ် ဆက်မိုက်နေဦးမယ်…..။        ။

ဥက္ကာကိုကို(သံတွဲ)
29 ၊ နိုဝင်ဘာ၊ 2010.

 

ကျနော်နှင့်အဠာရဿ/အထာရသ

ယောက်ျားကောင်းတို့တတ်အပ်သော အဠာရဿတစ်ဆယ့်ရှစ်ရပ် ဆိုတာ ရှိသည်ဟု  ကျမ်းကြီးကျမ်းငယ် အသွယ်သွယ်အရ သိရသည်။
ထို တစ်ဆယ့်ရှစ်ရပ်ရှိသည်ဟူသောပညာများကို ကျနော်မတတ်ပါ။ ထို့ကြောင့်ကျနော်သည် ယောက်ျားကောင်းတစ်ဦးမဟုတ်တော့ဘဲ ဖြစ်သွားရသည်။
မကောင်းသောယောက်ျားဟုလည်း မထင်မှတ်စေလိုပါ။ကျနော်သည် ကောင်းတစ်ဝက် ဆိုးတစ်ဝက်ပြည့်နှဇက်နေသော ပေတေတေ၊ ပေါချာချာ၊
အူတူအတ၊ လူရည်လည်သောလူ့အန္ဓတစ်ကောင်ပင်ဖြစ်သည်။ကျနော့်ရဲ့ဆိုးမွေကောင်းမွေဟူသမျှကို လက်ခံသိမ်းဆည်းရန်
အမျိုးသမီးတောင့်တောင့်ဖြောင့်ဖြောင့်တစ်ဦး အလိုရှိပါသည်။

အဠာရဿဆိုတာကြီးကို ကျနော်မလေ့လာချင်ပါ။ အဠာရဿနှင့် အသံထွက်ဆင်တူသောပညာရပ်တစ်ခုကျနော့်မှာရှိပါသည်။ ၄င်းမှာ ““အထာရသ””ပညာရပ်ပင်ဖြစ်လေသည်။ရသပါသောအထာများကိုဆုပ်ကိုင်၍ ကျနော် လူ့ဘ၀ကိုဖြတ်သန်းချင်ပါသည်။လူတိုင်းလူတိုင်းတွင် အထာရှိကြသည်ဟုထင်ပါသည်။ရပ်ကွက်များမှာပင်အထာရှိကြောင်းကို “ရပ်ကွက်အထာ”ဟူသည့်သီချင်းခွေ ထွက်ရှိလာ၍ သိရှိရပါသည်။

သူလိုကိုယ်လိုအထာများကြားမှ ချော်ငေါ့သွားသူကို…. ““ ဟာ…ဒီကောင်ဘာအထာလဲ ”” ဟုပြောဆိုကြသံကြားရပါသည်။ တစ်ခါတုန်းက ဘီယာဆိုင်တစ်ခုတွင်
ဝိုင်းနှစ်ဝိုင်းထ၍ရန်ဖြစ်ကြသည်။ လူအများ ရုတ်ရုတ်သဲသဲဖြစ်သွား၏။ကျနော်နှင့်အတူသောက်နေသော သူငယ်ချင်းက ကျနော့်ကို မျက်ရိပ်မျက်ကဲပြပြီး
““ ဟေ့… ကိုယ့်အထာနဲ့ကိုယ်နေ”” ဟု တီးတိုးပြောသည်။
ကျနော်လည်း အထာဆိုတာ ဘာမှန်းမသိတာကြောင့် လေပဲချွန်နေရမလို၊ပုဆိုးပဲကောက်ခြုံလိုက်ရမလို၊ ခြေမပဲကုန်းကိုင်နေလိုက်ရမလိုဖြစ်သွားလေ၏။

နောက်တော့ အထာများကိုကျနော်စိတ်ဝင်စားလာသည်။ ဘယ်သူတွေဘာအထာရှိသလဲဆိုတာကိုကိုယ့်ထမင်းကိုယ်မ၀ရေစာစားပြီး လေ့လာစောင့်ကြည့်၏။ တွေ့ရပါသည်။ကိုးရိုးကားယားအထာ၊ ဒလိမ့်ခေါက်ကွေးအထာ၊ ဖိုးလိုးဖပ်လပ်အထာ၊…… စသဖြင့် အထာများစွာကိုတွေ့ကြုံရပါသည်။

အရာအားလုံးတွင်ရသရှိ၏။ လူတိုင်းတွင် အထာရှိ၏။ အထာနှင့်ရသကိုပေါင်းစပ်ကြည့်သောအခါ… ““ အထာရသ ”” ဟူသည့်ရှုချင်စဖွယ်…
ချစ်စရာအကြောင်းအရာများကိုမြင်တွေ့ကြရမည်ဖြစ်သည်။ လူတိုင်းပင်ကိုယ့်အထာကားမည်သို့ရှိကြောင်းဆန်းစစ်တွေးတောသင့်ပေ၏။ သို့တည်းမဟုတ်လည်း ကိုယ့်အထာမည်သို့ရှိကြောင်းကိုသူတစ်ပါးကဆန်းစစ်ပေးကြလိမ့်မည်သာဖြစ်လေသည်။ ကျနော်မောင်ဥက္ကာတစ်ကောင်ကတော့အထာကျချင်ကျမည်၊ မကျချင်မကျ။ ကျနော်နှစ်သက်သမျှကိုအထာဟု မှတ်ယူပစ်လိုက်သည်သာဖြစ်၏။

တီဗီထဲမှ ဟစ်ဟော့ပ် အဆိုတော်တစ်ဦးက

““ ဟေ့… အထာတော့ကျနေပြီ… ဟေ့…အထာတော့ကျနေပြီ….”” ဟုအော်ကာ ဘောင်းဘီဂွကြားကို လက်ဖြင့်ဆုပ်ပြ၏။
ဘယ့်နှာအထာကြီးမှန်းတော့မသိချေ….။

ဘာပဲဖြစ်ဖြစ်…. မောင်ဥက္ကာမှာလည်း အထာတွေရှိပေသည်။
ခင်ဗျားတို့မှာလည်း အထာတွေရှိကြပေလိမ့်မည်…..။

အထာများကိုနားလည်နိုင်ဖို့ ကျနော်တို့ ကြိုးစားကြရပေမည်။

(ဥက္ကာကိုကို-သံတွဲ)

 

အိပ်မက်၏အခြားတစ်ဖက်မှ အချက်အလက်များ

ဇာတ်ကြောင်းပြန်သီချင်း

ထိုစဉ်က မြို့လေးရဲ့ လက်ဖျံရိုးတွေပေါ်မှာ ကဗျာထမ်းလမ်းလျှောက် ဟု အများက သမုတ်ခံရသည့် အနံကြီးကွင်းကျယ်တစ်ကောင် ရှိခဲ့ပါသည်။ သူသည် ဘုံဆန်သော လူသားနယ်ပယ်တွင် ဆိုးရွားသော နတ်သူငယ် တစ်ကောင်ဖြစ်သည်။ ဝေဒနာတွေကို ရင်ထဲမှာ တနင့်တပိုး ထိုးသိပ်ကာ သီချင်းတအေးအေးဖြင့် နေထိုင်တတ်ပြီး ဘ၀မီး ကို ငပွကြီး လုပ်ကာ ရင်ဆိုင်တတ်သူလည်း ဖြစ်သည်။

သူသည် တပါးလူ၏ စကားဟူသမျှကို ခေါင်းတညိတ်ညိတ်နှင့် နာခံတတ်ပြီး၊ မျက်ကွယ်တွင်မူ ၀ါဒဟူသမျှ ခ၀ါချပစ်တတ်သည့် လူတေလူရွဲ့တစ်ဦးလည်း ဖြစ်သည်။ သူ့မှာ ရည်းစား ၇ ယောက် ရှိခဲ့ဖူးပြီး အားလုံးကို သူကချည်းချန်ရစ်ခဲ့တာဖြစ်သည်။ သူတစ်ဦး၏ စိတ်နာကျည်းမှုကို သူဂရုမထားသလို သူကလည်း မည်သူ့ကိုမှ စိတ်မနာတတ်ခဲ့ပေ။

ဒီအသက်အရွယ်အထိ ရန်ပွဲတစ်ပွဲမှ မနွှဲဘူးသော်လည်း သူသည် ပတ်ဝန်းကျင်နှင့် ယဉ်ပါးနေသော လူမိုက်တစ်ဦးပင်။ ထိုမိုက်ဂုဏ်နှင့်ပင် မြို့လေးတွင် မည်သူမှ ယောင်လို့မဟမိသည့် ကဗျာဆရာအလုပ်ကို သူရယ်ရယ်မောမော ရွေးချယ်လိုက်သည်။ သူ့တွင်ရှိသော ဘာဂျာအိုလေးတစ်လက်နှင့် မြို့လေး၏ ဆောင်းညတွေကို သိမ်းယူနိုင်ခဲ့သည်။

သူသည် လမင်းကြီး၏ ပြောရေးဆိုခွင့်ရပုဂ္ဂိုလ်ဖြစ်သည်။ နံနက်ခင်းများ၏ အရှင်သခင်ဖြစ်သည်။ အချိန်မရွေးထပေါက်ကွဲနိုင်သော မီးတောင်တစ်လုံးဖြစ်သည်။ ဝေဒနာတို့၏ နားခိုရာတစ်ခုဖြစ်ကြောင်းလည်း သူ့ကိုယ်သူ ပြန်ပြောပြတတ်လေ့ရှိသည်။သူအနှစ်သက်ဆုံးပန်းမှာ စံပယ်ဖြစ်ပြီး သူအမြတ်နိုးဆုံးမှာ သဇင်ဖြစ်လေ သည်။

ပင်လယ်၏ ညနေခင်းများအောက်မှာ သူ့ရည်မှန်းချက်တွေ လျှမ်းလျှမ်းတောက် ဖူးပွင့်ခဲ့ကြသည်။ သူ့အနာဂတ်၏ မီးအိမ်ကို သူကိုယ်တိုင် မီးခတ်ထွန်းညှိလိုက်သည်။ တဖျောဖျောလွင့်စဉ် ရိုက်ခတ်လာသော သဲပွင့်မှုန်များကြားမှာ သူအရိုင်းဆန်စွာ ကြွေးကြော်ကခုန်သည်။ မျက်ရည်စက်တို့ တစ်ပေါက်ပေါက်။

နွေဦး၏ သစ္စာပန်းများ လှိုင်လှိုင်ဝေပွင့်ကြပါစေ…။ လူတို့ စိုက်ပျိုးသော စပါးခင်းများ ဖြစ်ထွန်းအောင်မြင်ပါစေ…။ မိုးခါးမိုးသည် ဒေသနာတော်နှင့်အညီ သွန်းဖြိုးနိုင်ပါစေသတည်း…

ထိုသို့ဖြင့် ကြယ်တို့လည်း ကြွေ၏။ စံပယ်တို့လည်း ဝေ၏။ အတိတ်ပုံရိပ်တို့ အတုံးအရုံး သေကုန်ကြ၏။ အနုပညာ သွေးစက်တို့သည် နှလုံးသားထဲမှ တစိမ့်စိမ့် ဖတ်လျှံယိုကျခဲ့ပြီ။

အိပ်မက်များ ရှင်သန်ချိန်

 

“နေမကောင်းဘူး သံလွင်ခက်တွေနဲ့ငါ”

မြစ်ထဲမှာ ဗေဒါတွေ အလုံးအရင်း ဆန်တက်နေကြတယ်။ ငါ နေမကောင်းဘူး။ အိမ်ရှေ့ကအုန်းပင်ပေါ်မှာ ကျီးကန်းနဲ့ ဆက်ရက်တွေ ငြိမ်သက်စွာ မိုးခိုနေကြရဲ့။ ကြည့်မြင်တိုင်တစ်ဖက်ကမ်းက တံငါရွာတွေဟာ မိုးစက်ဖြူဖြူ တွေကြားမှာ မှုန်ပျပျဖြစ်နေတယ်။ ဒါဆို မိုးရွာနေတာသေချာပြီပေါ့။ မိုးစက်ပေါက်တွေ ငါ့ဆီရောက်မလာကြသေးပါ လား။ ညနေ ၅နာရီ။ အနောက်တစ်ခွင်မှာ ပုဇွန်ဆီရောင်မလင်းဘူး။ ကောင်းကင်ဟာ သူ့မျက်ခွက်ကြီးကို မဲညို့နေ အောင်စူပုပ်ထားတယ်။ တစ်ခုခုကို သူစိတ်တိုနေပုံပဲ။ ငါနေမကောင်းဘူး။

စပျစ်သီးတစ်ဆယ်သားနှစ်ရာတဲ့။ တိုက်အောက်မှာ တွန်းလှည်းနဲ့အော်ရောင်းနေတယ်။ ၀က်သားမစားချင်ဘူး။ ဆေးလိပ်သောက်ပါရစေ။ ဆေးလိပ်မသောက်ရတာ သုံးရက်နဲ့တစ်ည။ ငါနေမကောင်းဘူး။ အထားအသိုမှားနေတဲ့ ၀ါကျတစ်ကြောင်းအဖြစ်နဲ့စကားပြေဘယ်နှပုဒ်တိုင်အောင် ငါ ကပြခဲ့ပြီးပြီလဲ။ မြစ်ထဲမှာ သမ္မာန်တွေ၊ သမ္မာန်တွေပေါ်မှာ လူတွေ။ လူတွေပေါ်မှာ မိုးစက်တွေ။ မိုးစက်တွေပေါ်မှာ မိုးတိမ်တွေ။ မိုးတိမ်တွေပေါ်ကို ငါမသွားဖူးဘူး။ အဲဒါ ငါနေမကောင်းလို့ဖြစ်လိမ့်မယ်။

နေလည်းဝင်တော့မယ်။ နေ၀င်ရင်မိုးချုပ်တတ်သလား။ အခုလိုမှိုင်းမှောင်နေတဲ့ရာသီဥတုမှာ နေဟာ ဘယ်နားက၀င်သွားမလဲ။ နေလုံးနီနီကြီးရေ…မင်းဘယ်မှာလဲကွယ်။ ခန္ဓာကိုယ်ထဲကနာကျင်မှုတွေ ငါ့ကိုဒုက္ခ ပေးပြန်ဘီ။ တောက်။ ဘယ်သူတက်ခေါက်တာလဲ။ မဟုတ်ဘူး။ ၀ရန်တာထိပ်ပိုက်လုံးထဲက ရေစက်ကျတာပါ။ ပုံးအလွတ် တစ်လုံးနဲ့ မိုးရေခံလိုက်။ သိပ်မကြာခင် ရေတွေပြည့်သွားပါလိမ့်မယ်။

ခုမှသတိရတယ်။ နတ်သမီးနဲ့လမ်းခွဲတုန်းက ငိုခဲ့ရတဲ့ငါ့မျက်ရည်တွေကိုလည်း ပုံးအလွတ်တစ်လုံးနဲ့ခံ ထားခဲ့ရင် ကောင်းသား။ မျက်ရည်ခံတယ်ပေါ့။ အဲ့ဒီမျက်ရည်တွေကို ဘာလုပ်လို့ရမလဲ။ မိုးရေလိုကျိုသောက်လို့ရသလား။ တော်ကြာ မျက်ရည်ခါးတွေဖြစ်နေရင် ဘယ့်နှယ်လုပ်မလဲ။ အသည်းကွဲမျက်ရည်ဆိုပြီး လေလံပစ်ရင်ကော…။ မြောက်ကိုရီးယားနဲ့ အီရန်က၀ယ်မှာလား။ ငါ့မျက်ရည်က နြူကလီးယားလက်နက်အတွက် အသုံးဝင်မှာမို့လား။ ဘာမှသုံးစားလို့မရရင်တော့ ငါ့မျက်ရည်အကြောင်းကိုနားထားလိုက်။ ငါနေမကောင်း ဘူး။

ကမ္ဘာကြီးမျက်ရည်ကျနေတာကို သနားကြပါ။ ကမ္ဘာအနှံ့က ကလေးလေးတွေရဲ့ မျက်ရည်စတွေကို စာနာကြပါ။ သူတို့မျက်ရည်မကျအောင် ငါတို့ ဘာလုပ်ပေးနိုင်မလဲ။ လောလောဆယ်တော့ ငါနေမကောင်းဘူးနော်။

ငါနေမကောင်းဘူးဆိုတော့ ဘာလို့နေမကောင်းတာလဲလို့ မေးစရာရှိလာမယ်။ ညစဉ်ရက်ဆက် အယ်လ်ကို ဟောတွေမျိုချနေခဲ့လို့လား(ဟုတ်တယ်…အသည်းပြန်အောင့်နေတယ်)။ ထမင်းအချိ်န်မှန်မှန်မစားဘဲ ပေတေနေ ခဲ့လို့လား(ဟုတ်တယ်…အစာအိမ်မှာ တစ်ခုခုဖြစ်နေတယ်လို့ ဆရာဝန်ကပြောတယ်)။ ဆေးလိပ်တွေအရမ်း သောက် လို့မဟုတ်လား(ဟုတ်မယ်…ချောင်တဟွပ်ဟွပ်ဆိုးပြီး အာသီးရောင်နေတယ်)။ ကွန်ပျူတာရှေ့ တစ်နေကုန် ထိုင်၊ Chatting လုပ်နေလို့ဖြစ်မယ်(ဟုတ်နိုင်တယ်…ခေါင်းအရမ်းကိုက်ပြီး မျက်စိတွေေ၀၀ါးနေတယ်)။ ညညမူးပြီး အင်္ကျီမပါဘဲအမြဲအိပ်တယ်မဟုတ်လား (အင်း…အဆုတ်အအေးပတ်ပြီး နှာအရမ်းစီးနေတယ်…ဟပ်ချိုး … ဘုရားသခင်နဲ့ကုလားဘုရင်)။

နေစမ်းပါဦး။ မင်းရောဂါကဘာလဲလို့ ခင်ဗျားကမေးမယ်။ ၉၆ ပါးမဟုတ်ပေမယ့် စောစောကပြောတာတွေ အားလုံးကို အလိုမတူဘဲ ပိုင်ဆိုင်ထားရတဲ့ကောင်ပါ။ ခြုံပြောရရင် ငါနေမကောင်းဘူး။

ညဟာ အမှောင်ထဲစုန်းစုန်းမြုပ်ဝင်သွားခဲ့။ မိုးတွေလည်းစဲသွားခဲ့ပြီ။ ပုရစ်အော်သံတွေကျွက်ကျွက်ညံစီ။ မြစ်ထဲကမော်တော်ခုတ်သံ တဒုတ်ဒုတ်ကြားနေရတယ်။ ငါးပုပ်နံ့က ဒီဖက်ကမ်းကို လှိုင်လှိုင်ကြီးရိုက်ခတ်ပျံ့လွင့်လာ။ နံလိုက်တာ။ ငါနေမကောင်းဘူး။

ငါနေမကောင်းဘူးဆိုတာပြောနေရတာ အာညောင်းတယ်။ ဘယ်သူက ငါ့ကိုယုံမလဲ။ ငါနေမကောင်းတာ ဘယ်သူယုံသလဲ။ ဘုရားသခင်ယုံသလား။ မာရ်နတ်ကောယုံသလား။ လင်းဆေးလိုဟန်ယုံသလား။ ဂျိုလီယုံသလား။ ဟီလာရီကလင်တန်ယုံသလား။ ဆိုမာလီယာ ပင်လယ်ဓားပြတွေယုံသလား။ ကောင်မလေးတစ်ယောက်ကတော့ သူယုံပါ တယ်တဲ့။ (အဲ့ဒီကောင်မလေးရူးနေတယ်လို့ လူတွေထင်ကုန် တော့မှာပဲ)။

ငါနေမကောင်းတဲ့ကိစ္စ။ ဒေါက်တာအဲလ်ဗတ်ရွိုက်ဇာသိမသွားဘူး။ ဂန္ဒီကြီးသိမသွားဘူး။ သခင်ကိုယ်တော်မှိုင်း နဲ့ ဗိုလ်တေဇ သိမသွားဘူး။ မာသာထရီဆာသိမသွားဘူး။ သမ္မတဂျွန်အက်ဖ်ကနေဒီနဲ့ ပါကစ္စတန်လူထုခေါင်းဆောင် အမျိုးသမီးဘင်နဇာဘုတိုသိမသွားဘူး။ မိုက်ကယ်ဂျက်ဆင်သိမသွားဘူး။ မောင်ချောနွယ်သိမသွားဘူး။ ထူးအိမ်သင် သိမသွားဘူး။ တာရာမင်းဝေသိမသွားဘူး။ မင်းသိင်္ခသိမသွားဘူး။ ဒွေးသိဖို့တော့မလိုအပ်ဘူး ထင်တယ်။

အိမ်ရှေ့အုန်းပင်ရဲ့ ကြီးထွားမှုက ခြောက်လွှာတိုက်ခန်းတည့်တည့်ကိုရောက်လာပြီ။ ကျီးကန်းတစ်ကောင် ငါ့ကိုပြူးကြည့်တယ်။ သူ့ဘာသာလည်းစကားမဆက်နိုင်ဖြစ်နေသေးရဲ့။ ““အ..အ..အ..””နဲ့။ လေစိမ်းတွေ တိုက်လှချည်ရဲ့ နွေမိုးမွန်ရယ်။ ငါ့ကိုကယ်ပါလှည့်။ ကဗျာတွေနဲ့ပိပြီးလန့်ဖျားဖျားနေတဲ့ ငါ့ကိုကယ်ပါလှည့်။

နင်မကယ်ရင်လည်း ကဗျာဆရာတွေကယ်ကြပါ။ ၀ိုင်ချိုကယ်ပါ။ ကြည်မောင်သန်းကယ်ပါ။ မိုဃ်းဇော်ကယ်ပါ။ စိုင်းဝင်းမြင့်ကယ် ပါ။ သစ္စာပိုင်စိုးကယ်ပါ။ လင်းသဏ်ညီကယ်ပါ။ ငုအိမ်ထက်မြက်ကယ်ပါ။ ခရမ်းပြာထက်လူကယ်ပါ။ သုခမိန်လှိုင်ကယ်ပါ။ မောင်ပြည့်မင်းကယ်ပါ။ အောင်ဘညိုကယ်ပါ။ မျိုးနေနွယ်ကယ်ပါ။ နေမျိုးကယ်ပါ။ ဆရာသစ္စာနီ ကယ်ပါ။ ဘောင်းဘီတိုအမြဲဝတ်တဲ့ဝေမှူးသွင်ကယ်ပါ။ ကျေးဇူးပြု၍ ဟဲမင်းဝေမကယ်ပါနဲ့။ အိပ်မက်ဆိုးတွေကြောက်လို့ ပါကိုယ့်လူရာ။ ငါနေမကောင်းဘူးလေ။

ဘိုးဘိုးမန်ဒဲလားနေကောင်းပါစေ။ အိုးဘားမားကြီးနေကောင်းပါစေ။ ဘီလ်ဂိတ်ကြီးနေကောင်းပါစေ။ ဘန်ကီမွန်းနေကောင်း ပါစေ။ ဘီလ်ကလင်တန်နေကောင်းပါစေ။ ကိုဖီအာနန်နေကောင်းပါစေ။ ဘင်လာဒင်နေကောင်း ပါစေ။ အီရတ်နဲ့ အာဖဂန်ပြည်သူတွေ နေကောင်းကြပါစေ။ ဂျီ-၂၀ ခေါင်းဆောင်များနေကောင်းကြပါစေ။ ငြိမ်းချမ်းရေး နိုဗယ်လ်ဆုရှင်တွေနေကောင်းကြပါစေ။ ကလေးလေးတွေနေကောင်းကြပါစေ။ ရုရှားကပန်ဒါဝက်ဝံလေးတွေ နေကောင်းကြပါစေ။ အမေ နေကောင်းပါစေ။ ငါလည်းနေကောင်းပါစေပေါ့။

နေမကောင်းတာဟာ မကောင်းမှုတစ်ရပ်ပဲ။ အဲဒီတော့ ငါနေကောင်းရမယ်။ သိပ်တော့မလွယ်ဘူးပေါ့။ ကမ္ဘာကြီးကိုကုသကြပါ။ ငါ့ကိုခဏဘေးဖယ်ထားပါဦး။ ဇေယျာလင်းရဲ့စကားပြေကဗျာတွေနဲ့ထမင်းစားရတာ သိပ်မြိန်တာပဲ။ လာမယ့်တနင်္ဂနွေမှာ ဘူတာရုံလမ်းနဲ့ သုခမှတ်တိုင်ကြားက ဘီအီးဆိုင်မှာ ဆေးခန်းသွားပြမယ်။ ငါ့ကိုပြုစုဖို့အတွက် ကမ္ဘာကျော်ကိုရီးယားမင်းသမီးနှစ်လက်ငှားထားပါပြီ။

လတ်ဆတ်တဲ့ပင်လယ်လေကိုရှူချင်တယ်။ ညီမလေးရဲ့စံပယ်ဖူးတွေဘယ်တော့ပွင့်မလဲ။ နလန်ထရင် တာရာမင်းဝေရဲ့မီးတောက်ရစ်သမ်ကဗျာရှည်ကြီးကို စွပ်ပြုတ်လုပ်သောက်မယ်။ ဟော…တဖျတ်ဖျတ်နဲ့… ဘာသံ တွေလဲ။ ညည့်ဦးကောင်းကင်ယံမှာ တိမ်ညိုတွေကြား ဖောက်ထွင်းပြေးလွှားနေလိုက်ကြတာ။ မကြာခင်မိုး သောက်တော့မယ်ထင်တယ်။ နံနက်ခင်းကိုလက်ခုပ်တီးပြီး ကြိုဆိုကြပါစို့။

လာခြင်းကောင်းမည့်နံနက်ချိန်၌

ချိုးငှက်တို့၏ တောင်ပံခတ်သံ

မိုးလုံးပြည့်မှ ဘ၀ဂ်ညံစေ…။

ဥက္ကာကိုကို(သံတွဲ)

 

ဝေးကွာခဲ့သောသက္ကရာဇ်များ

Written by- ဥက္ကာကိုကို(သံတွဲ)

““ ရိုးမတောင်ညို ခြားဗျာယ် ထား…သဘာဝအလှအပ စိမ်း လန်းစိုပြေနီ…သာစွရက္ခတွင်ရေ လခြမ်းမြီ…ငရို့ချစ်တဲ့အဖရခိုင် ပြည်…””

မနက်စောစောစီးစီး အိပ်ရာ ကနိုးနိုးချင်း ကျွန်တော့်ညီတွေဖွင့် ထားသည့် ကက်ဆက်ထဲမှ ရခိုင်အ ဆိုတော် ခိုင်ကျော်လင်း၏ သီချင်း သံက နားထဲရောက်လာသည်။
တေးသံကို နားထောင်နေ ရင်း နှင့်ပင် ဇာတိမြေကို လွမ်းစိတ် က ရင်ထဲသို့မရမက တိုးဝင်လာ သည်။ ဇာတိမြေ ၊ ချက်မြုပ်ရာမြေ ၊ မွေးဖွားကြီးပြင်းရာမြေ။ ကျင်လည် ကျက်စားခဲ့ရာမြေ။ အလွမ်းစိတ်က ရင်ဝကိုတိုးဆောင့် သည်။
ဇာတိမြို့လေးမှခွဲခွာလာပြီး ကတည်းက အလည်တစ်ခေါက် ပင်မပြန်ဖြစ်တာ ယနေ့အထိဖြစ် သည်။ ရန်တွေကုန်သွား၍ ရန်ကုန် ဟု အမည်သမုတ်ထားသည်ဆို သော ရန်ကုန်မြို့ကြီးမှာပင် ရှာဖွေလုပ်ကိုင်စားသောက်ရင်း တ၀ဲဝဲလည်ဖြစ်နေခဲ့တာ နှစ်အတော် ကြာနေခဲ့ပြီ။ တစ်ခေါက်လောက်တော့ ပြန်ရမည် ဟူသောအတွေးက လည်း ပြက္ခဒိန်များနှင့်အတူ တဖြည်းဖြည်း ဟောင်းနွမ်းလာပြီ ဖြစ်သည်။
ခုတော့ ကျွန်တော်လွမ်းနေ သည်။ ဇာတိမြေမှခွဲခွာလာသူအား လုံးလိုလိုပင်